दिप्रुङ चुइचुम्मा गाउँपालिकाद्वारा मौरीपालन सम्बन्धि विषयविज्ञबाट २ दिने तालिम आज मिति २०७७ साल चैत्र २९ देखि शुरू भएको छ । कृषि शाखा संयोजक श्री सरगम बुढाथोकीको अध्यक्षतमा संचालित उक्त तालिममा गाउँपालिका अध्यक्ष श्री भुपेन्द्र राई ज्यू प्रमुख अतिथि, गाउँपालिका उपाध्यक्ष श्री सपना राई ज्यू तथा प्रमुख प्रशासकीय अधिकृत श्री भीम प्रसाद दाहाल ज्यू विशेष अतिथि, वडाध्यक्षहरू श्री ईन्द्र बहादुर बस्नेत ज्यू, श्री लोकेन्द्र राई ज्यू, श्री पूर्ण बहादुर खड्का ज्यू लगायत वडा सदस्य श्री अमृत गिरी ज्यू अतिथिको रूपमा रहनु भएको थियो । मौरीपालन सम्बन्धि व्यवहारिक ज्ञान सिकाई आधुनिक घारको प्रयोगमा वृद्धि गरी

दिप्रुङ चुइचुम्मा गाउँपालिकाले आज मिति २०७७ साल चैत्र २२ गते ऐ गाउँपालिका वडा नं. २ खुतुम्बु निवासी श्री नैन बहादुर विश्वकर्मालाई रू ३५ हजार र ऐ गाउँपालिका वडा नंं. १ निवासी श्री अर्जुन भुजेललाई रू २० हजार राहत स्वरूप नगद प्रदान गरेको छ । मिति २०७७/१२/२१ गते बनमा लागेको डढेलोमा परी नैन बहादुरको घर, मतान र कटेरो जलि नष्ट भएको थियो भने मिति २०७७/१२/१७ गतेको हावाहुरीले अर्जुन भुजेलको घरको छाना पुरै उढाई क्षती गरेको थियो । राहत रकम गाउँपालिका अध्यक्ष श्री भुपेन्द्र राई ज्यूले घटनास्थल मै पुगि सम्बन्धित वडाका जनप्रतिनिधि, सुरक्षा निकाय र स्थानीयको उपस्थितिमा हस्तान्तरण गर्नु भएको थियो ।

आज मिति २०७७ साल चैत्र १८ गतेबाट दिप्रुङ चुइचुम्मा गाउँपालिकामा स्थानिय तह संस्थागत क्षमता स्व-मूल्याङ्कन कार्यक्रम(LISA) सुरू भएको छ । उक्त कार्यक्रमका झलकहरू ।