वडाको सबैभन्दा जेष्ठ नागरिक सम्मान कार्यक्रम अन्तर्गत आज मिति २०७७/०४/१५ गते वडा नं. ३ निवासी ९५ वर्षिय जगत बहादुर बस्नेत र ९६ वर्षिय सन्तमाया राई सम्मानित हुनु भएको छ । सम्मान स्वरुप गाउँपालिकाले उहाँहरूलाई १ थान सिरक, १ थान डसना, १ थान बेडसिट, १ थान सिरानी, १ बट्टा हर्लिक्स र १ वटा झुल प्रदान गरेको छ । यस कार्यक्रम अन्तर्गत गाउँपालिकाका प्रत्येक वडाका सबैभन्दा जेष्ठ १ जना पुरुष र १ जना महिलालाई सम्मान गरिने छ । यस अघी मिति २०७७/०४/०४ गते वडा नं. ५ निवासी ९१ वर्षिय जस बहादुर राई र ८५ वर्षिय चन्द्रकला थापा सम्मानित हुनु भएको थियो । बाँकि ५ वटा वडामा पनि क्रमश हुने जानकारी गराइन्छ ।

वडाको सबैभन्दा जेष्ठ नागरिक सम्मान कार्यक्रम अन्तर्गत आज मिति २०७७/०४/०४ गते वडा नं. ५ निवासी ९१ वर्षिय जस बहादुर राई र ८५ वर्षिय चन्द्रकला थापा सम्मानित हुनु भएको छ । सम्मान स्वरुप गाउँपालिकाले उहाँहरूलाई १ थान सिरक, १ थान डसना, १ थान बेडसिट, १ थान सिरानी, १ बट्टा हर्लिक्स र १ वटा झुल प्रदान गरेको छ । यस कार्यक्रम अन्तर्गत गाउँपालिकाका प्रत्येक वडाका सबैभन्दा जेष्ठ १ जना पुरुष र १ जना महिलालाई सम्मानित गरिने छ ।

पालिका सँग महिला कार्यक्रम अन्तर्गत लकडाउनको अवधिमा सुत्केरी हुनु भएको सुत्केरी महिलाहरूलाई झुल वितरण गर्नु हुँदै गाउँपालिका अध्यक्ष श्री भुपेन्द्र राई ज्यू, उपाध्यक्ष श्री सपना राई ज्यू र स्वास्थ्य संयोजक श्री मुस्ताक अहमद मंसुरी ज्यू।

आ.व. २०७७/०७८ को नीति, कार्यक्रम तथा बजेट र विधेयकहरू माथि दफावार छलफल गर्दै दिप्रुङ चुइचुम्मा गाउँपालिकाको सातौ गाउँसभा सम्पन्न भएको छ । २०७७ असार १० गतेबाट शुरु भएको गाउँ सभा २०७७ असार १९ गते गाउँपालिकाका उपाध्यक्ष सपना राई द्वारा प्रस्तुत आ.व. २०७७/०७८ को नीति, कार्यक्रम तथा बजेट र राजश्व परामर्श समितिको सदस्य अमृत गरीद्वारा प्रस्तुत विभिन्न विधेयकहरुको विषयमा चौथो चरण सम्मको सभाले छलफल गरी पास गर्दै सम्पन्न भएको हो । सभाले विनियोजन विधेयक २०७७, आर्थिक विधेयक २०७७ र गाउँपालिका शिक्षा ऐन २०७७ (पहिलो संसोधन) सभाबाट सर्वसम्मत पास गरेको हो ।