वडाको सबैभन्दा जेष्ठ नागरिक सम्मान कार्यक्रमलाई निरन्तरता दिदै मिति २०७७/०६/२७ गते वडा नं. १ निवासी ९६ वर्षीय याम्खा खामडाँडा निवासी धनकुमारी राया सम्मानित हुनु भएको छ । यस अघि वडा नं. ३ निवासी ९५ वर्षिय जगत बहादुर बस्नेत, ९६ वर्षिय सन्तमाया राई, वडा नं. ५ निवासी ९१ वर्षिय जस बहादुर राई, ८५ वर्षिय चन्द्रकला थापा, वडा नं. ६ निवासी ९१ वर्षीय अखटे निवासी विष्णुमाया भुजेल र धिप्लुङ निवासी ९० वर्षीय बुद्धिमान दर्जी सम्मानित हुनु भएको थियो । सम्मान स्वरुप गाउँपालिकाले उहाँहरूलाई १ थान सिरक, १ थान डसना, १ थान बेडसिट, १ थान सिरानी, १ बट्टा हर्लिक्स र १ वटा झुल प्रदान गरेको छ । यस कार्यक्रम अन्तर्गत गाउँपालिकाका प्रत्येक वडाका सबैभन्दा जेष्ठ १ जना पुरुष र १ जना महिलालाई सम्मान गरिने छ ।