आ.व. २०७७/०७८ को नीति, कार्यक्रम तथा बजेट र विधेयकहरू माथि दफावार छलफल गर्दै दिप्रुङ चुइचुम्मा गाउँपालिकाको सातौ गाउँसभा सम्पन्न भएको छ । २०७७ असार १० गतेबाट शुरु भएको गाउँ सभा २०७७ असार १९ गते गाउँपालिकाका उपाध्यक्ष सपना राई द्वारा प्रस्तुत आ.व. २०७७/०७८ को नीति, कार्यक्रम तथा बजेट र राजश्व परामर्श समितिको सदस्य अमृत गरीद्वारा प्रस्तुत विभिन्न विधेयकहरुको विषयमा चौथो चरण सम्मको सभाले छलफल गरी पास गर्दै सम्पन्न भएको हो । सभाले विनियोजन विधेयक २०७७, आर्थिक विधेयक २०७७ र गाउँपालिका शिक्षा ऐन २०७७ (पहिलो संसोधन) सभाबाट सर्वसम्मत पास गरेको हो ।