दिप्रुङ चुइचुम्मा गाउँपालिकामा १८ औँ निजामती सेवा दिवस २०७८ भव्यताका साथ मनाईएको छ । आज मिति २०७८ भाद्र २२ गते निजामती सेवा दिवसको अवसरमा गाउँपालिकाले निजामती सेवा तर्फको उत्कृष्ट कर्मचारीमा २०७५/०८/१७ गते देखि निरन्तर रूपमा प्रमुख प्रशासकीय अधिकृत पदमा रही यस गाउँपालिकाको समृद्धि,विकास र अग्रगमनका लागि आएका सबै प्रकारका आरोह अवरोहहरुको सामना गर्दै कार्यालयले प्रदान गर्ने सेवा प्रवाहमा अतुलनीय योगदान पुर्याउनु हुने श्री भीम प्रसाद दाहाल ज्यू सम्मानित हुनु भएको छ । त्यस्तै स्वर्गिय गाउँसभा सदस्य श्री नारायण प्रसाद श्रेष्ठ स्मृति पुरस्कार अन्तर्गत अस्थायी कोभिड अस्पताल याम्खामा कार्यरत ल्याव असिस्टेन्ट श्री सविना तामाङ ज्यू र वडा सचिव श्री सञ्जिब आचार्य ज्यू उत्कृष्ट कर्मचारीको रुपमा सम्मानित हुनुभएको छ। यस अवसरमा गाउँपालिकाद्वारा आयोजित ब्याडमिन्टन खेलमा पुरुष तर्फ गाउँपालिका कर्मचारी प्रथम, प्रहरी चौकी दिप्रुङ चुइचुम्मा द्वितीय भएको छ भने महिला तर्फ प्रथम स्वास्थ्य चौकि छोरम्बु, द्वितीय कोभिड अस्थायी अस्पताल याम्खा भएको छ । प्रथमलाई नगद ५ हजार र ट्रफी, द्वितीयलाई नगद ३ हजार र ट्रफी प्रदान गरिएको छ । पुरुष तर्फ १० टिम र महिला तर्फ ६ टिमको सहभागिता रहेको थियो ।