आज मिति २०७८/१२/२२ गते गाउँपालिकाद्वारा आयोजित खुल्ला महिला तथा पुरुष भलिवल प्रतियोगिता २०७८ गाउँपालिका अध्यक्ष श्री भुपेन्द्र राई ज्यू को प्रमुख आतिथ्यता र गाउँपालिका उपाध्यक्ष श्री सपना राई ज्यूको विशेष आतिथ्यतामा उद्घाटन गरिएको छ । दि. चु गा. पा. वडा नं. ३ को सापातेल खेलमैदानमा भएको भलिवल खेल उद्घाटन समारोह वडाअध्यक्ष श्री इन्द्र बहादुर बस्नेत ज्यूको सभापतित्वमा र अन्य जनप्रतिनिधिहरुको उपस्थितिमा गरिएको हो । पुरुष तर्फ विजेता टिमलाई क्रमशः ( पहिलो लाई १ लाख ५० हजार,दोश्रो लाई ८० हजार, तेश्रो लाई ५० हजार सान्त्वनालाई २५ हजार, त्यसैगरी महिला तर्फ क्रमशः ( पहिलोलाई ८० हजार, दोश्रोलाई ५५ हजार, तेश्रोलाई ३५ हजार र सान्त्वनालाई २० हजार रहेको प्रतियोगितामा पुरुष तर्फ १४ टिम र महिला तर्फ ६ टिमको सहभागिता रहेको छ ।आज बाट सुरु भएको भलिबल खेल प्रतियोगिता चैत्र २४ गतेसम्म जारी रहनेछ ।